करमाळा (सोलापूर) : करमाळा- टेंभुर्णी राज्य महामार्गावर देवळालीजवळ मोटारसायकल व ट्र्क अपघात प्रकरणात करमाळा पोलिसात अनोळखी ट्रक चालकाविरुद्ध गुन्हा दाखल झाला आहे. गुरुवारी रात्री ८ वाजताच्या सुमारास हा अपघात झाला होता. त्यात आदिनाथ कारखाना येथील २४ वर्षाचा तरुण जखमी झाला होता. सैरभ विकस शहाणे (वय २५) असे जखमी झालेल्या तरुणाचे नाव आहे. त्याच्यावर नगर येथील एका खासगी रुग्णालयात उपचार सुरु आहेत.
करमाळा- टेंभुर्णी मार्गावर देवळालीजवळ मोटरसायकल व ट्रकची धडक झाली होती. जखमी शहाणे हे करमाळ्याकडून आदिनाथ कारखान्याकडे मोटारसायकलवर जात होते. तेव्हा त्यांची मोटारसायकल व ट्रक यांच्यात अपघात झाला. यामध्ये मोटारसायकलवरील शहाणे यांच्या डोळ्याला, पोटाला व जबर मार लागला. त्यांना करमाळा येथील उपजिल्हा रुग्णालयात दाखल केले होते. तेथून त्यांना नगर येथील रुग्णलयात हलवण्यात आले आहे. त्यांच्यावर सध्या उपचार सुरु आहेत.
