इंदापूर : आयुर्वेदाचार्य व पंचकर्म तज्ञ डॉ. स्वप्नील लोणकर यांनी पुणे येथील प्रसिद्ध राजवैद्य समीर जमदग्नी यांच्याकडे शिक्षण पूर्ण करून इंदापूर येथे क्लिनिक सुरु केले आहे. पुण्यात मी स्वतः ज्यांच्याकडे उपचार घेतले त्यांच्याच मार्गदर्शनाखाली प्रॅक्टिस केलेल्या डॉक्टरांचे येथे क्लिनिक सुरु होत आहे हे विशेष आहे. या आयुर्वेदिक क्लिनिक व पंचकर्मचा नक्कीच नागरिकांना फायदा होणार आहे, असे प्रतिपादन माजी सहकार मंत्री हर्षवर्धन पाटील यांनी केले आहे.
इंदापूर येथील उपजिल्हा रुग्णालयासमोर आयुर्वेदाचार्य व पंचकर्म तज्ञ डॉ. स्वप्नील शंकर लोणकर यांच्या श्री विश्ववंदन आयुर्वेदिक क्लिनिक व पंचकर्म केंद्राचे उद्घाटन माजी सहकार मंत्री हर्षवर्धन पाटील यांच्या हस्ते झाले. यावेळी जिल्हा परिषद सदस्य मोहन दुधाळ, कर्मयोगी साखर कारखान्याचे संचालक सतीश व्यहवारे, उद्योजक गोरख क्षीरसागर, विजय म्हेत्रे, कवीटगावचे सरपंच शिवाजी सरडे, उपसरपंच भाऊसाहेब जगदाळे, भाजपचे तालुकाध्यक्ष पांडुरंग शिंदे, प्रगतशील बागायतदार महादेव खराडे, डॉ. अजित भोसले, डॉ. अमोल रासकर, डॉ. नामदेव गार्डे, डॉ. प्रताप कदम, डॉ. संतोष नगरे, डॉ. अमोल शेंडे, डॉ. सुहास सातपुते, डॉ. रवींद्र शिंदे, डॉ. सुदीप ओहोळ, डॉ. विशाल जगदाळे, डॉ. ज्योतीराम टकले, डॉ. वैभव निर्मळ, डॉ. विनोद कुबेर आदी उपस्थित होते.
सहकार मंत्री पाटील म्हणाले, ‘पुणे येथील प्रसिद्ध राजवैद्य समीर जमदग्नी यांच्याकडे मी स्वतः आयुर्वेदिक उपचार घेतलेले आहेत. तेथेच डॉ. स्वप्नील लोणकर यांनीही संपूर्ण आयुर्वेदाचे व पंचकर्माचे शिक्षण घेतले आहे. त्यांच्याकडेच दोन वर्ष त्यांनी प्रॅक्टिस केली आहे. आता त्यांनी इंदापूर येथे क्लिनिक सुरु केले आहे. हे विशेष आहे. याचा इंदापूर येथील नागरिकांना उपयोग होणार आहे. डॉ. जमदग्नी यांचे आयुर्वेदातील योगदान हे खूप मोठे आहे, असेही माजी सहकार मंत्री हर्षवर्धन पाटील म्हणाले.
डॉ. लोणकर यांनी यावेळी आयुर्वेदिक व पंचकर्म याबद्दल माहिती सांगितली. आयुर्वेदाचे त्यांनी महत्त्व पटवून दिले. माजी सहकार मंत्री पाटील यांनी यावेळी औषधी वनस्पती पासून बनवलेल्या औषधालयाला भेट घेऊन औषधाची माहिती घेतली. व त्यांना शुभेच्छा दिल्या. कार्यक्रमाचे सूत्रसंचालन डॉ. भोसले यांनी तर आभार धंनजय राऊत यांनी मानले. उपस्थितांचे स्वागत शंकर लोणकर व वंदना लोणकर यांनी केले.
