करमाळा (सोलापूर) : माजी आमदार कै. कर्मवीर अण्णासाहेब जगताप यांचे चिरंजीव व करमाळा नगरपालिकेचे माजी नगराध्यक्ष हरिभाऊ पांडुरंग जगताप (वय ७८) यांचे आज (शनिवारी) रात्री १० वाजताच्या दरम्यान हृदयविकाराच्या तीव्र झटक्याने निधन झाले. त्यांचा अंत्यविधी रविवारी (उद्या) सकाळी १० वाजता नगर रोड येथील त्यांच्या शेतामध्ये होणार आहे. राष्ट्रवादीचे करमाळा शहराध्यक्ष ऍड. शिवराज जगताप व माजी नगरसेविका लता पाटील यांचे ते वडील होते. श्री. कमलाभवानी ट्रस्टचे सचिव अनिल पाटील यांचे ते सासरे होते. त्यांच्या पश्चात दोन मुले, चार मुली व नातवंडे असा परिवार आहे. जगताप यांना तपासणीसाठी बार्शी येथील रुग्णालयात नेण्यात आले होते. दरम्यान त्यांना तिथेच हृदयविकाराच्या तीव्र झटका आला. त्यात त्यांचे निधन झाले आहे.
