करमाळा (अशोक मुरूमकर) : करमाळा नगरपालिका निवडणूकीच्या नगराध्यक्षपदासाठी आज (शुक्रवार) पाचव्या दिवशी प्रियंका वाघमारे यांचा पहिला अर्ज दाखल झाला आहे. तर नगरसेवक पदासाठी जगताप गटाचे समर्थक माजी नगराध्यक्ष प्रशांत ढाळे यांनी प्रभाग 6, सिद्धांत वाघमारे प्रभाग 7 व विजया जानराव यांनी प्रभाग क्रमांक 10 मधून उमेदवारी अर्ज दाखल केला आहे.
करमाळा नगरपालिकेच्या निवडणुकीसाठी अर्ज दाखल करण्याचा आज पाचवा दिवस होता. 17 तारखेपर्यंत इच्छुकांना उमेदवारी अर्ज दाखल करता येणार आहेत. भाजप, शिवसेना (शिंदे गट) यांचे अजूनही उमेदवार निश्चित झालेले नाहीत. त्यामुळे कोणाचे अर्ज येणार याकडे सर्वांचे लक्ष आहे. महायुतीकडून भाजपचे कन्हैयालाल देवी यांच्या पत्नी सुनीता देवी यांचा नाव निश्चित झाले असल्याची चर्चा राजकीय वर्तुळात आहे. तर शिवसेनेकडून (शिंदे गट) जगताप गटाच्या नंदनीदेवी जगताप यांचे नाव निश्चित मानले जात आहे.
वाघमारे यांचा अर्ज दाखल करतेवेळी सामाजिक कार्यकर्ते सुहास ओहोळ हे उपस्थित होते. विजया जानराव यांनी प्रभाग क्रमांक 10 मधून नगरसेवकपदासाठी उमेदवारी अर्ज दाखल केला आहे निवडणूक निर्णय अधिकारी दिनेश पारगे व सहाय्यक निवडणूक निर्णय अधिकारी सचिन तपसे यांच्याकडे यांनी हा उमेदवारी अर्ज दाखल केला.
नगराध्यक्ष – एकूण 1
प्रियांका सिद्धांत वाघमारे – अपक्ष
नगरसेवक – एकूण 3
10 ब जानराव विजया किसन अपक्ष
7 ब सिद्धांत सदाशिव वाघमारे अपक्ष
6 अ प्रशांत मोहन ढाळे अपक्ष
