करमाळा (अशोक मुरूमकर) : ‘जिल्हा परिषद व पंचायत समितीच्या निवडणुकीसाठी करमाळ्यात अजून एकही अर्ज दाखल झालेला नसून आज (शनिवार) ३४२ इच्छुक उमेदवारांनी अर्ज खरेदी केली आहेत’, अशी माहिती निवडणूक निर्णय अधिकारी अनिल कारंडे यांनी दिली आहे. त्यांना सहाय्यक म्हणून तहसीलदार संजय भोसले, नायब तहसीलदार विजयकुमार लोकरे व विजयकुमार जाधव काम पाहत आहेत. करमाळा तालुक्यात जिल्हा परिषदेचे सहा गट व पंचायत समितीचे १२ गण आहेत. यासाठी शुक्रवारपासून अर्ज दाखल करण्याची प्रक्रिया सुरु झालेली असून २१ जानेवारीपर्यंत इच्छुकांना अर्ज दाखल करता येणार आहेत. करमाळा तहसील कार्यालय येथे यासाठी व्यवस्था करण्यात आली आहे. अर्ज दाखल करण्याच्या आज दुसऱ्यादिवशी ३४२ इच्छुकांनी अर्ज खरेदी केले आहेत. ऑफलाईन पद्धतीने हे अर्ज दाखल करता येत आहेत.
करमाळ्यात जिल्हा परिषद व पंचायत समितीसाठी ३४२ अर्ज विक्री
