करमाळा (अशोक मुरूमकर) : मराठा आरक्षणासाठी मनोज जरांगे यांनी अंतरवली सराटी येथे आमरण उपोषण सुरु केले आहे. त्यांना पाठींबा देण्यासाठी शुक्रवारी (ता. १४) सकाळी ११ वाजता करमाळा तालुक्यात कुंभेज फाटा येथे नगर- टेंभुर्णी महामार्गावर कुंभेज फाटा येथे रस्ता रोको आंदोलन केले जाणार आहे. यावेळी जास्तीत जास्त समाजबांधवांनी उपस्थित रहावे, असे आवाहन सकल मराठा समाज शहर व तालुका करमाळा यांनी केले आहे.
संघर्ष योद्धा मनोज जरांगे पाटील यांनी मराठा आरक्षण व मराठा समाजाच्या विविध मागण्यासंदर्भामध्ये अंतरवली सराटी येथे आमरण उपोषण सुरु केले आहे. त्या त्या उपोषणास पाठिंबा म्हणून सकल मराठा समाज करमाळा तालुका यांच्यावतीने आक्रमक भूमिका घेण्यात आली आहे. मराठा व बहुजन बांधवांच्या वतीने करमाळा- टेंभुर्णी महामार्गावर कुंभेज फाटा येथे हा रस्ता रोको होणार आहे. तरी सर्व मराठा व बहुजन बांधवांनी जास्तीत जास्त संख्येने उपस्थित राहावे, असे प्रसिद्धिपत्रकात म्हटले आहे.
