करमाळा (सोलापूर) : केम येथे झालेल्या तालुकास्तरीय क्रीडा स्पर्धेमध्ये मारकड वस्ती (चिखलठाण) जिल्हा परिषद प्राथमिक शाळेने लहान गट मुलींच्या कबड्डीच्या अंतिम सामन्यात हिवरवाडी संघावर दणदणीत विजय मिळवला आणि जिल्हास्तरीय स्पर्धेस पात्र झाला. अतिशय चुरशीच्या झालेल्या सामन्यांमध्ये मारकड वस्तीच्या शाळेने सहा गुणांनी विजय मिळवत विजय खेचून आणला. कमी पटसंख्या असतानाही शांत संयमी खेळ करत समोरच्या संघावर यशस्वीपणे मात केली. करमाळा तालुक्याचे गटशिक्षणाधिकारी जयवंत नलवडे, विस्तार अधिकारी नितीन कदम, मिनीनाथ टकले, केंद्रप्रमुख वंदना पांडव, रमाकांत गटकळ, लक्ष्मण भंडारे, चिखलठाणचे विकास गलांडे, शाळा व्यवस्थापन समितीचे अध्यक्ष गणेश मारकड यांनी मारकडवस्ती शाळेचे मुख्याध्यापक आणि मार्गदर्शक तात्यासाहेब जगताप, सहशिक्षिका स्वाती जगताप पाटील यांचे अभिनंदन केले.
मारकड वस्ती जिल्हा परिषद प्राथमिक शाळेचे कबड्डी स्पर्धेत यश
