करमाळा (सोलापूर) : विद्या विकास मंडळाच्या यशवंतराव चव्हाण महाविद्यालयामध्ये जिल्हा व क्रीडा सेवक संचालनालयअंतर्गत करमाळा तालुकास्तरीय शालेय कराटे स्पर्धा झाल्या. स्पर्धेचे उद्घाटन विद्या विकास मंडळाचे विश्वस्त उपप्राचार्य संभाजी किर्दाक यांच्या हस्ते झाले. स्पर्धेसाठी जातेगाव येथील भैरवनाथ विद्यालयाचे पुरुषोत्तम माने, नागनाथ बोळगे, सागर शिरस्कर, अमोल माळी आदी पस्थित होते. स्पर्धेसाठी पंच म्हणून संतोष झिंजाडे, अभिषेक कुतवळ व सुरज वायकूळे यांनी काम पाहिले. करमाळा तालुका क्रीडा समन्वयक रामकुमार काळे, तालुक्यातील क्रीडा प्रशिक्षक व विद्यार्थी मोठ्या संख्येने उद्घाटन प्रसंगी उपस्थित होते.
