करमाळा (सोलापूर) : करमाळा नगरपालिकेच्या अनुदानातून मंजूर झालेले किल्ला विभाग येथील मारुती मंदिर परिसरात काँक्रीटकरण सहा महिनेपासून केले नसुन ते काम आठ दिवसात सुरू न झाल्यास १७ मार्चपासून करमाळा नगरपालिके समोर आमरण उपोषणाला बसणार असल्याचा इशारा अर्बन बँकेचे माजी उपाध्यक्ष फारुक जमादार यांनी दिला आहे. याबाबत त्यांनी मुख्याधिकाऱ्यांना लेखी निवेदन दिले आहे. कार्यालय अधीक्षक कविटकर यांनी हे निवेदन स्वीकारले. यावेळी बांधकाम अभियंता आकाश वाघमारे उपस्थित होते. महाराष्ट्र सुवर्ण जयंती नगरोत्थान अंतर्गत किल्ला विभाग येथील मारुती मंदिर परिसरात काँक्रिटीकरण मंजूर झाले होते. हे काम अद्याप केलेले दिसून येत नाही. या कामाची मुदत संपली असून आठ दिवसात काम सुरू न केल्यास नगरपालिके समोर आमरण उपोषण करणार असल्याचे निवेदनात म्हटले आहे.