करमाळा (सोलापूर) : आम आदमी पार्टीच्या सोलापूर जिल्हा उपाध्यक्षपदी करमाळा येथील अमोल जाधव यांची नियुक्ती करण्यात आली आहे. महाराष्ट्र प्रदेश सहप्रभारी गोपाल इटालिया, प्रदेश कार्यकारी अध्यक्ष अजित फाटके पाटील व सोलापूर जिल्हा अध्यक्ष महादेव पाटील यांनी संघटनात्मक घोषणापत्र देऊन ही निवड केली आहे. निवडीनंतर जाधव म्हणाले, तालुक्यातील नागरिकांना आम आदमी पार्टीचे लक्ष व धोरणे समजावून तळागाळापर्यंत काम पोहोचवले जाईल.
