करमाळा (सोलापूर) : करमाळा शहर भाजपच्या महिला आघाडीच्या वतीने महादेव मंदिर किल्ला विभाग करमाळा येथे भाविकांसाठी फराळ वाटप करण्यात आले. या फराळ वाटपाची सुरवात सोलापूर जिल्हा नियोजन समिती सदस्य गणेश चिवटे यांच्या हस्ते करण्यात आली.
करमाळा शहरातील पुरातन काळातील ऐतिहासिक अशा महादेव मंदिरात महाशिवरात्रीनिमित्त मोठ्या संख्येने भाविक दर्शनासाठी येत असतात. या भाविकांना फराळ वाटप करण्यात आले. या कार्यक्रमाचे नियोजन भाजपा महिला आघाडी शहराध्यक्षा रेणुका राऊत यांनी केले. भाजपचे तालुकाध्यक्ष रामभाऊ ढाणे, शहराध्यक्ष जगदीश आगरवाल, शहर सरचिटणीस जितेश कटारिया, सोशल मीडिया संयोजक नितीन झिंजाडे, महिला आघाडीच्या ढोके उपस्थित होते.
