करमाळा (अशोक मुरूमकर) : करमाळा तालुक्यात जुलैमध्ये नऊ दिवसात सहा व्यक्ती बेपत्ता झाल्या आहेत. यांची नोंद करमाळा पोलिस ठाण्यात हरवले असल्याची म्हणून झाली आहे. यामध्ये २० वर्षाची एक तरुणी पोथरे येथील एका मंगल कार्यालयातून बेपत्ता झाली असल्याची नोंद आहे. ४ ते १२ जुलै दरम्यान या व्यक्ती बेपत्ता झाल्या आहेत.
करमाळा तालुक्यातील जेऊर येथून ४ तारखेला २२ वर्षाची तरुणी बेपत्ता झाली. ६ तारखेला २३ वर्षाचा एक तरुण बेपत्ता झाला. विकास अच्युत निमगिरे असे त्याचे नाव आहे. ८ तारखेला ३० वर्षाची झरे येथील एक व्यक्ती बेपत्ता झाली. संदिप शंकर कोकाटे असे त्यांचे नाव आहे. याच दिवशी पोथरे येथील मंगल कार्यालयातून २० वर्षाची तरुणी बेपत्ता झाली. १० तारखेला विहाळ येथून २५ वर्षाची महिला बेपत्ता झाली आहे. तर १२ तारखेला जेऊर येथून २० वर्षाची मुलगी बेपत्ता झाली आहे. या सर्व व्यक्तींची नोंद करमाळा पोलिसात हरवले असल्याची म्हणून झाली आहे.
