करमाळा (सोलापूर) : तालुक्यातील अळसुंदे एसटी स्टॅन्डजवळ एका मोटारसायकला कुर्डुवाडीकडून आलेल्या मोटारसायकलने जोराची धडक दिली. त्यामध्ये गंभीर जखमी होऊन एकजण ठार झाला आहे. तुकाराम कुंडलिक शिवणे असे त्यांचे नाव झाले आहे. या अपघातास कारणीभूत असलेल्या कुर्डुवाडीकडून आलेल्या मोटारसायकलच्या चालकाविरुद्ध गुन्हा दाखल झाला आहे. मात्र संबंधित मोटारसायकल चालकाचे नाव समजू शकलेले नसल्याने अज्ञात चालकाविरुद्ध हा गुन्हा दाखल झाला आहे. संबंधित मोटारसायकलचा क्रमांक एमएच १७ जे २००० असा आहे. यामध्ये ठार झालेल्या व्यक्तीचा मुलगा विनायक तुकाराम शिवणे असे नाव आहे.
अळसुंदे एसटी स्टॅन्डजवळ एका मोटारसायकला कुर्डुवाडीकडून आलेल्या मोटारसायकलची धडक;एकजण ठार
