MSEB रसायन शास्त्रज्ञ म्हणून निवड झाल्याबद्दल ऐश्वर्या म्हेत्रेचा माजी आमदार पाटील यांच्या हस्ते सत्कार

करमाळा (सोलापूर) : महाराष्ट्र राज्य विद्युत वितरण कंपनीत रसायन शास्त्रज्ञ वर्ग एक या पदावर निवड झाल्याबद्दल ऐश्वर्या म्हेत्रे यांचा माजी आमदार नारायण पाटील यांनी सत्कार केला आहे. जेऊर ग्रामपंचायत येथे हा सत्कार करण्यात आला. यावेळी भारत शिक्षण प्रसारक मंडळाचे उपअध्यक्ष अनिलकुमार गदिया, सचिव प्रा. अर्जुनराव सरक, जेऊरचे सरपंच पृथ्वीराज पाटील, ऐश्वर्याचे वडील करमाळा पंचायत समितीचे विस्तार अधिकारी मनोजकुमार म्हेत्रे, संगीता म्हेत्रे, पाटील गटाचे प्रवक्ते सुनील तळेकर, ग्रामविकास अधिकारी अंगद माने, सूर्यकांत पाटील, नाना मोटे आदी उपस्थित होते. ऐश्वर्याने रसायन शास्त्र या विषयामध्ये पदव्युत्तर शिक्षण घेतले असून नेट सेट परीक्षा उत्तीर्ण आहे. सध्या ती नॅशनल केमिकल लॅबोरेटरीमध्ये कार्यरत असून तिने पीएचडी प्राप्त केली आहे.