करमाळा (सोलापूर) : माजी आमदार संजयमामा शिंदे प्रतिष्ठानच्या वतीने करमाळ्यात माजी आमदार कर्मवीर अण्णासाहेब जगताप यांच्या जयंतीनिमित्त बॉडी शो स्पर्धा झाली. यावेळी कर्मवीर अण्णासाहेब जगताप यांच्या पुतळ्यास माजी आमदार संजयमामा शिंदे यांच्या हस्ते पुष्पहार अर्पण करून अभिवादन करण्यात आला.
राष्ट्रवादीचे जिल्हा कार्याध्यक्ष ऍड. शिवराज जगताप, चंद्रकांत सरडे, उद्धव माळी, गौरव झांजुर्णे, प्रवीण जाधव, विनय ननवरे, अतुल फंड, अशपाक जमादार, ऍड. अजित विघ्ने, संजय घोलप, सचिन गायकवाड, सुरज इंदूरे, सुजित बागल, विवेक येवले, अभिजीत लोंढे आदी यावेळी उपस्थित होते. बॉडी शो स्पर्धेमध्ये ६० स्पर्धकांनी सहभाग घेतला.
प्रथम दहाजणांना पारितोषिक आणि सन्मानचिन्ह देऊन गौरविण्यात आले. अंतिम फेरीमध्ये बाशीद शिकलकर, अमन शेख या दोघांमध्ये चुरस होऊन कर्मवीर श्री चा किताब अमन शेख यांनी पटकावला. तृतीय क्रमांक लकी मोरे याने मिळवला. अभिजीत सदापुरे, उबेद शेख, जयदीप कुंभार, ओम मचाले, रोहित लोंढे, महेश कुंभार, रोहन परदेशी, पृथ्वीराज कोळेकर, कार्तिक साडेकर, रोहन मोरे, अक्षय जगताप, प्रज्वल पालवे, दिनकर कांबळे, सलमान सय्यद आदींना गौरविण्यात आले.
पंच म्हणून समीर सय्यद, पप्पू शिंदे, सारंग परदेशी, ओंकार परदेशी यांनी काम पाहिले. सूत्रसंचालन डॉ. समाधान कोळेकर यांनी केले. दीपक चव्हाण, शशिकांत पवार, सचिन चव्हाण, किरण बोकन, संजय शिंदे, मधुकर भुजबळ, नरेंद्रसिंह ठाकुर, महेश परदेशी, नागेश राखुंडे, आनंद जगदाळे, आजाद शेख, अरुणकाका तांगडे, युवराज चिवटे, अलीम शेख, आदित्य जगताप, ओम शेरे, जंगलनाथ ननवरे, प्रज्योत गांधी, बाळासाहेब पंडित, समीर शेख, जमीर सय्यद, अभिजीत लोंढे आदींनी अभिवादन केले.