करमाळा : तालुक्यातील चिमाजी मिरगळ वस्ती ते हिवरवाडी- वडगाव हा एक किलोमीटरचा रोड, वाशिंबे ते भैरवनाथ मंदिर एक किलोमीटर, देवळाली ते गुंड भांडाळे वस्ती एक किलोमीटर, सांगवी एक ते बिटरगाव रोड एक किलोमीटर या पद्धतीने मातोश्री ग्रामग्राम समृद्धी शेत पानंद रस्ता योजनेअंतर्गत मंत्री संदिपान भुमरे यांच्या माध्यमातून या कामाला मंजुरी मिळाली. या रस्त्यासाठी किमान दीड कोटी खर्च होणार आहे, अशी माहिती शिवसेनेचे जिल्हा प्रमुख महेश चिवटे यांनी दिलीआहे.
जिल्हाप्रमुख महेश चिवटे म्हणाले, मातोश्री पानंद रस्ते माध्यमातून कोट्यावधी रुपयांचा निधी उपलब्ध असून ग्रामीण भागातील शेतकऱ्यांनी असे रस्ते करण्यासाठी रस्त्याचे वाद संपुष्टात आणून हे रस्ते तयार करून घ्यावेत. शिवसेनेचे जिल्हा संपर्क प्रमुख प्रा. शिवाजीराव सावंत यांनी या कामाची शिफारस करून मंत्री संदीपान भुमरे यांच्याकडूनही कामे केल्याबद्दल करमाळा शिवसेनेच्या वतीने प्रा. सावंत यांचे आभार व्यक्त करण्यात आले.
