पुणे : मुस्लिम धर्मियांसाठी महत्वपूर्ण असलेली हजरत महंमद पैंगबर जयंती यंदा ५ सप्टेंबरला असली तरी याच दिवशी गणेश विसर्जन असल्याने धार्मिक सलोखा राखण्यासाठी पैगंबर जयंती ८ सप्टेंबरला साजरी करण्यात येणार असल्याचा महत्त्वपूर्ण निर्णय पुणे सिरत कमिटीने घेतला आहे. कमिटीच्या या निर्णयाचे पुणे पोलिस आयुक्त अमितेश कुमार यांनी स्वागत केले आहे.
पुणे पोलिस आयुक्त यांचे समवेत सिरत कमिटी पदाधिकारी यांची बैठक झाली. याबैठीत सहपोलिस आयुक्त रंजनकुमार शर्मा, पोलिस उपायुक्त भाजीभाकरे व सीरत कमिटीचे मौलाना जमिरुद्दीन, रफिउद्दीन शेख, सिराज बागवान, असिफ शेख, जावेद खान, आबीद सय्यद, अन्सार पिंजारी, मौलाना खालिद निजामी उपस्थितीत होते.
