करमाळा (सोलापूर) : तालुक्यातील झरे ते वीट या रस्त्याची अतिशय दुरावस्था झाली आहे. संबंधित विभागाने याकडे त्वरित लक्ष द्यावे, अन्यथा प्रहार शेतकरी संघटनेच्या वतीने आंदोलन करण्यात येईल, असा इशारा निवेदनाद्वारे देण्यात आला आहे.
प्रहार शेतकरी संघटना तालुका उपाध्यक्ष सोमनाथ जाधव म्हणाले, तालुक्यातील झरे ते वीट या रस्त्याची अतिशय दुरावस्था झाली आहे. वाहतुकीच्या दृष्टीने हा रस्ता महत्वाचा आहे. याकडे सार्वजनिक बांधकाम विभाग व झरे ग्रामपंचायतने लक्ष देण्याची गरज आहे. मात्र याकडे दुर्लक्ष होत आहे. सार्वजनिक बांधकाम विभागाच्या अधिकाऱ्यांनी संबंधित रस्त्यावर येऊन स्वतः पाहणी करून आठ दिवसाच्या आत रस्ता दुरुस्ती केला नाही तर प्रहार संघटना उग्र आंदोलन करणार, असल्याचा इशारा जाधव यांनी दिला आहे.
