सोलापूर : सोलापूर जिल्ह्यात सर्वत्र शांतता, कायदा व सुव्यवस्था अबाधित रहावी तसेच समाजकंटक व गुंडप्रवृत्ती इसमांवर प्रतिबंधक कारवाई करणे सोईचे जावे यासाठी पोलिस आयुक्तालय हद्द वगळून 9 नोव्हेंबरपर्यंत महाराष्ट्र पोलिस अधिनियम कलम 37(1) चे आदेश लागू करण्यात येत असल्याची माहिती अपर जिल्हादंडाधिकारी अभिजित पाटील यांनी प्रसिध्दी पत्रकान्वये दिली.
या आदेशानुसार खालील गोष्टींवर बंदी घालण्यात आली आहे:
- मिरवणुका, सभा, पाच किंवा अधिक व्यक्तींचा जमाव
- शस्त्रे, सोटे, तलवारी, सुरे, झेंडा लावलेली काठी किंवा इजा करण्यास वापरता येणाऱ्या वस्तू
- ज्वालाग्राही व स्फोटक पदार्थ
- दगड, फेकावयाची उपकरणे, प्रतिमा किंवा प्रेतयात्रांचे प्रदर्शन
- सार्वजनिक घोषणा, असभ्य हावभाव, ग्राम्य भाषा
- जाती-धर्माच्या भावना दुखावणारे सोंगे, चिन्हे किंवा साहित्य
या हुकुमाचे खंडन ते फ ज्या सरकारी नोकरांना त्यांची कर्तव्ये अधिकार बजाविताना उपरनिर्दीष्ठ वस्तु हाताळाव्या लागतात आणि ज्या व्यक्तींना जिल्हादंडाधिकारी, पोलिस अधिक्षक (ग्रामीण), उपविभागीय दंडाधिकारी, उपविभागीय पोलिस अधिकारी, पोलिस निरीक्षक, दुय्यम पोलिस निरीक्षक यांनी दिलेल्या परवानगीस लागू पडणार नाही असेही पत्रकात नमूद आहे.
