करमाळा (सोलापूर) : करमाळा एसटी स्टॅंडमधून बाहेर पडल्यानंतर अवघ्या काही अंतरावर एसटीचा बिघाड होऊन गाडी बंद पडली आहे यामुळे प्रवाशांची गैरसोय झाली आहे. करमाळा- अक्कलकोट ही गाडी बंद पडली, असे सामाजिक कार्यकर्ते भास्कर पवार यांनी सांगितले आहे. या प्रकारामुळे करमाळा प्रवाशांनी संताप व्यक्त केला आहे. पवार म्हणाले, पाच मिनिटाच्या अंतरावर करमाळा डेपोची बस बंद पडली. तरीसुद्धा एक तास प्रवासी दुसऱ्या बसची वाट पहात उभे होते. सकाळी साडेआठ वाजता ही एसटी बस बंद पडली होती. त्यानंतर पावणेदहाच्या दरम्यान दुसरी बस आली.
करमाळा स्टँडमधून बाहेर पडताच एसटीचा बिघाड; प्रवाशांची गैरसोय
