करमाळा (अशोक मुरूमकर) : करमाळा नगरपालिकेच्या स्विकृत नगरसेवकासाठी भाजप व करमाळा शहर विकास आघाडीकडून दोघांचे अर्ज दाखल झाले आहेत. यामध्ये त्यांची वर्णी लागण्याची शक्यता आहे.
करमाळा नगरपालिकेत एक नगराध्यक्ष व २० नगरसेवक आहेत. त्यात दोन स्विकृत नगरसेवक घेण्याची तरतूद आहे. ज्यांचे जास्त विजयी झालेलले नगरसेवक आहेत. त्यांच्या शिफारशीने त्यांना संधी दिली जाते. नुकत्याच झालेल्या नगरपालिकेच्या निवडणुकीत करमाळा शहर विकास आघाडीचे आठ नगरसेवक व नगराध्यक्ष विजयी झाले आहेत. भाजपचे सात व शिवसेनेचे पाच नगरसेवक विजयी झाले होते. त्यामुळे करमाळा शहर विकास आघाडीकडून सिध्देश लावंड यांचा अर्ज दाखल झाला आहे. तर भाजपकडून सुनिल बनसोडे यांचा अर्ज दाखल झाला आहे.
करमाळा शहर विकास आघाडीच्या वतीने (सावंत गट) जिल्हाधिकारी कार्यालय येथे लावंड यांचा अर्ज दाखल करवेळी सावंत गटाचे सुनील सावंत, नगरसेवक संजय सावंत, सुधाकर लावंड, दादासाहेब इंदलकर, अमोल परदेशी, विनोद महानवर, भैय्या राठोड, चेतन भोगल व सुहास शिंदे उपस्थित होते. भाजपकडून बनसोडे यांचा अर्ज दाखल करतेवेळी नगरसेवक दीपक चव्हाण, अतुल फंड, सचिन घोलप, विजय घोलप, सचिन गायकवाड, केतन इंदुरे आदी उपस्थित होते.
