करमाळा (सोलापूर) : एस. टी. धनगर आरक्षणाची अंमलबजावणी तात्काळ करण्यात यावी व चौंडी येथे यशवंत सेनेचे समाज बांधव आठ दिवसांपासून अमरण उपोषणाला बसले आहेत. मात्र सरकारमधील कोणत्याही मंत्र्यांनी त्याची दखल घेतली नाही. उपोषणकर्त्यांची तब्येत दिवसांदिवस ढासळत असून प्रशासन समाज बांधवांच्या जिवाशी खेळत आहेत. त्या निषेधार्थ सकल धनगर समाज करमाळा तालुक्याच्या वतीने रविवारी (ता. १७) जेऊर बाजारतळ येथून सकाळी ९ वाजता तर दत्त मंदिर काॅटेज येथून सकाळी ९:३० वाजता भव्य मोटारसायकल रॅलीचा प्रारंभ होणार आहे.
चौंडी येथे जाऊन करमाळा तालुक्याच्या वतीने एक दिवसीय धरणे आंदोलन करण्यात येणार असल्याचे प्रसिद्ध पत्राद्वारे म्हटले आहे. चोंडी येथे धनगर आरक्षण अमलबजावणीसाठी उपोषणास बसलेल्या समाज बांधवांना जाहीर पाठींबा देण्यासाठी करमाळा तालुक्यातून शनिवारऐवजी रविवारी सकाळी ९:३० वाजता दत्त मंदीर करमाळा येथून भव्य मोटारसायकल रॅली निघणार आहे. सकल धनगर समाजाच्या वतीने करमाळा ते चौंडी भव्य मोटारसायकल रॅली काढून या सरकारचा निषेध व्यक्त करण्यात येणार आहे तरी तालुक्यातील जास्तीत जास्त समाज बांधवांनी उपस्थितीत राहाण्याचे आव्हान सकल धनगर समाजाच्या वतीने करण्यात आले आहे.