करमाळा (सोलापूर) : माढा लोकसभा मतदार संघात भाजपने रणजितसिंह नाईक निंबाळकरांना पुन्हा उमेदवारी जाहीर केली आहे. त्यामुळे करमाळ्यात भाजपाच्या कार्यकर्त्यांनी जल्लोष केला. करमाळा शहरातुन हलग्या व फटाके वाजवत कार्यकर्त्यांनी भाजपा कार्यालय- सुभाष चौक- जय महाराष्ट्र चौक- भवानी नाका ते सुभाष चौक अशी पदयात्रा काढत आंनदोत्सव साजरा करण्यात आला. यावेळी श्री छत्रपती शिवाजी महाराजांच्या पुतळ्यास पुष्पहार अर्पण करून घोषणाबाजी करण्यात आली.
भाजपचे जिल्हा सरचिटणीस गणेश चिवटे, तालुकाध्यक्ष रामभाऊ ढाणे, तालुका सरचिटणीस सरपंच काकासाहेब सरडे, शहराध्यक्ष जगदीश आगरवाल, जिल्हा उपाध्यक्ष अफसर जाधव, जिल्हा चिटणीस विनोद महानावर, माढा लोकसभा सोशल मीडिया संयोजक नितीन झिंजाडे, उपसरपंच अमोल पवार, किसान आघाडीचे तालुकाध्यक्ष सोमनाथ घाडगे, अध्यात्मिक आघाडीचे तालुकाध्यक्ष दिनेश मडके, किरण शिंदे, बिभीषण गव्हाणे, शाम सिंधी, नरेंद्र ठाकूर, भैय्याराज गोसावी, गणेश महाडिक, जयंत काळे पाटील, वसीम सय्यद, गणेश माने उपस्थित होते.
