करमाळा (सोलापूर) : तालुक्यातील आवाटी येथे सीना नदीतून बेकायदा वाळू उपसा करणारा एक ट्रॅक्टर पकडण्यात आला आहे. यामध्ये वाळू व ट्रॅक्टरसह १० लाख १० हजाराचा ऐवज जप्त करण्यात आला आहे, करमाळा पोलिसांनी आज पहाटे अडीच वाजता ही कारवाई करण्यात आली आहे.
पोलिस हेडकॉन्स्टेबल हवलदार अजित उबाळे, पोलिस कॉन्स्टेबल तोफीक रझाक काझी, पोलिस कॉन्स्टेबल गणेश शिंदे, चंद्रकांत ढवळे, होमगार्ड श्री. शहाणे आदींनी ही कारवाई केली आहे. यामध्ये पोलिस कॉन्स्टेबल गणेश खोटे यांनी याप्रकरणात फिर्याद दिली आहे. यमध्ये सोहेल मुनेर पठाण (वय २३) व ताहेर जाफर खान अशी गुन्हा दाखल झालेल्या संशयित आरोपींची नावे आहेत. (बातमतीतील फोटो संग्रहीत आहे.)