करमाळा (सोलापूर) : जेऊर बायपास येथे पंढरपुरवरून आलेल्या एसटीतून उतरून रस्ता ओलांडताना भरधाव वेगात आलेल्या एका मोटरसायकलने एका ज्येष्ठ नागरिकाला धडक देऊन जखमी केले आहे. यामध्ये एका अनोळखी मोटरसायकल चालकाविरुद्ध गुन्हा दाखल झाला आहे. दशरथ भिवा मस्कर (वय ७२, रा. वरकाटणे) असे जखमीचे नाव आहे. हा अपघात २७ तारखेला दुपारी अडीच वाजताच्या सुमारास घडला आहे. मस्कर हे पंढरपुरवरून नाशिक एसटी बसने आले होते. घराकडे जाण्यासाठी ते जेऊर बायपास येथे उतरले. तेथून रस्ता ओलांडत असताना त्यांना मोटारसायकलने धडक दिली. त्यात त्यांच्या पायाला मार लागला आहे.
