करमाळा (सोलापूर) : हाळगाव येथील बारामती अॅग्रो युनिट नंबर 2 चा आज (गुरुवारी) गाळप सांगता समारोप झाला. कारखान्याच्या झालेल्या गाळपाचा सांगता सभारंभासाठी प्रमुख पाहुणे म्हणून उपाध्यक्ष सुभाष गुळवे, दत्ता वारे, मधूकर राळेभात सुधीर राळेभात, श्री. देशमुख, श्री. निंबे, श्री. मोहिते, विजयसिंह गोलेकर व कारखान्याचे कर्मचारी तसेच कर्जत जामखेड मधील ऊस उत्पादक शेतकरी उपस्थित होते.

कारखान्याने आजपर्यंत 3 लाख 52 हजार 915 मेट्रिक टन ऊसाचे गाळप केले असून कर्जत व जामखेडमधील शेतकऱ्यांना उच्चाकी म्हणजे 2900 रुपये प्रमाणे प्रति टन दर मिळाल्याने ऊस उत्पादक शेतकरी यांच्यामध्ये आनंदाचे वातावरण असून सर्व ऊस वेळेत गाळप केल्याने व उच्चांकी दर दिल्याने आमदार रोहित पवारांचे आभार मानले.