करमाळा (सोलापूर) : मराठा समाजाबरोबर मुस्लीम समाजाला सुद्धा कुणबीचे दाखले मिळावेत, अशी मागणी भारतरत्न डॉ. ए. पी. जे. अब्दुल कलाम फाउंडेशन व सकल मुस्लीम समाज करमाळा यांच्या माध्यमातून प्रसिद्धिपत्रकाद्वारे करण्यात आली आहे.
राज्य सरकारने मराठा समाजाला आरक्षण मिळावे म्हणून कुणबीच्या नोंदी पाहण्यासाठी व अभ्यास करण्यासाठी समिती स्थापन केली. समितीच्या माध्यमातून जुन्या महसुली नोंदी पाहण्यासाठी राज्यातील सर्व तहसील कार्यालयात शोध मोहीम सुरु असुन ते शोधत असताना निजामकालीन दस्तऐवज किंवा जन्म- मृत्यू दाखले, शाळेचे दाखले व इतर महसुली नोंदीमध्ये मराठा समाजाच्या नोंदीबरोबर मुस्लीम समाजातील नागरिकांच्या जुन्या महसुली नोंदीमध्ये कुणबी मुस्लीम असा उल्लेख असल्याचे दिसत आहे. त्यामुळे मुस्लीम समाजाला सुद्धा कुणबीचे दाखले देण्यात यावेत.