करमाळा (सोलापूर) : सामाजिक कार्यकर्ते उद्योगपती प्रदिपशेठ बालदोटा यांच्या वाढदिवसानिमित्त श्रीराम प्रतिष्ठान संचलित अन्नपूर्णा योजना येथे आज (शुक्रवार) अन्नदान करण्यात आले. करमाळा शहरात सात वर्षांपासून जिल्हा नियोजन समितीचे सदस्य गणेश चिवटे यांच्या मार्गदर्शनाखाली श्रीराम प्रतिष्ठानच्या माध्यमातून निराधार, गरजु वृध्द नागरिकांना दररोज दोन वेळचे मोफत जेवण दिले जाते. करमाळा शहर व परिसरातील गरजू या अन्नदानाचा लाभ घेतात. चिवटे यांच्या माध्यमातून शालेय विद्यार्थ्यांना रोज सायंकाळी मोफत भाजीही वाटप केली जाते. त्यातूनच प्रदिपशेठ बलदोटा यांच्या वाढदिवसानिमित्त अन्नदान करण्यात आले.