करमाळा (सोलापूर) : तालुक्यातील पांडे व म्हसेवाडी परिसरामध्ये मोकाट फिरणाऱ्या कुत्र्याची टोळी सक्रिय झाली आहे. कुत्र्यांनी चार शेळ्या ठार मारल्या असून नऊ शेळ्या जखमी केल्या आहेत. पंधरा दिवसांपासून पाच ते सहा फिरस्ती कुत्र्यांची ही टोळी आली आहे. या परिसरातीत कुत्र्यांची टोळीने बिबट्याप्रमाणे पुर्व भागात धुमाकूळ घालुन दहशत माजवली आहे. दिवसा व रात्री शेळ्यावर हल्ला करून शेळ्या ठार मारीत आहेत.
शेतामध्ये व शिवारात चरण्यासाठी सोडलेल्या शेळ्या व शेतामध्ये बांधलेल्या रात्री शेळ्या हल्ला करून चार शेळ्या ठार मारल्या आहेत. तर नऊ शेळ्या जखमी केल्या आहेत. हि फिरस्ती कुत्री शेतकरीच्या अंगावर चाल करीत आहेत. त्यामुळे या परिसरामध्ये घबराटीचे वातावरण होऊन लोक भयभीत झाले आहेत. संजय लोखंडे, दुत पाडुळे, पांडुरंग पाडुळे, सुनिल ननवरे, बाबा भगत, दतु राऊत, सोमा लोखंडे या शेतकरीच्या शेळ्या ठार मारल्या आहेत.
