करमाळा शहरात मोहल्ला गल्लीमध्ये एका घरात सोने- चांदी धुण्याच्या नावाखाली महिलेची फसवणूक करून दीड तोळे सोने घेऊन चोरटा पसार झाला आहे. मात्र हा चोरटा सीसीटीव्ही कॅमेऱ्यात कैद झाला आहे. सोने- चांदी धुण्यासाठी सबंधित महिला तयार झाल्यानंतर तिच्याकडील सोने घेऊन हा चोरटा पसार झाल्याची घटना आज (शनिवारी) सकाळी 10 वाजताच्या सुमारास घडली आहे. सकाळी दहाच्या सुमारास मोहल्ला गल्ली येथे दोन अनोळखी चोरटे मोटरसायकलवर आले. ‘आपण सोने धुवून देत’ असल्याचे त्यांनी सांगितले. सुरुवातीला चांदी स्वच्छ करून दिल्यानंतर सोने आणा म्हणून सांगितले पाणी गरम करत असताना सदरचे सोने महिलेने त्यांच्याकडे दिले. यावेळी महिलेच्या डोळ्यात काहीतरी टाकून चोरटे पसार झाले. यावेळी आसपासच्या सीसीटीव्हीत तपासणी केली असता दोन संशयित चोरटे एका सीसीटीव्हीत कैद झाले आहेत.
सोने धुण्याच्या नावाखाली महिलेची फसवणूक; डोळ्यात काहीतरी टाकून दीड तोळे सोने घेऊन चोरटे पसार, सीसीटीव्हीत कैद
