सोलापूर : जिल्ह्यातील सर्व शासकीय, निमशासकीय तसेच खाजगी क्षेत्रातील कार्यालय यांनी त्यांच्याकडील सप्टेंबर 2023 कार्यरत मनुष्यबळाचे त्रैमासिक विवरणपत्र (ई- आर- 1) 31 ऑक्टोबरपर्यंत कौशल्य विकास, रोजगार व उद्योजकता आयुक्तालयाच्या https://rojgar.mahaswayam.gov.in या संकेतस्थळावर ऑनलाइन पध्दतीने सादर करावे, असे आवाहन जिल्हा कौशल्य विकास, रोजगार व उद्योजकताचे सहाय्यक आयुक्त ह. श्री. नलावडे यांनी केले आहे.

सेवायोजन कार्यालये (रिक्तपदे सक्तीने अधिसूचित करणारा) कायदा, 1959 व त्याखालील नियमावली 1960 मधील कलम 5 (1) (शासकीय आस्थापनांसाठी) 5(2) (खाजगी आस्थापनांसाठी) अन्वये त्रैमासिक विवरणपत्र भरणे बंधनकारक आहे.याबाबत काही अडचण असल्यास कार्यालयीन वेळेत दूरध्वनी क्र. 0217-2950956 वर संपर्क साधावा. असेही जिल्हा कौशल्य विकास, रोजगार व उद्योजकताचे सहाय्यक आयुक्त श्री. नलावडे यांनी एका प्रसिध्दी पत्रकान्वये कळविले आहे.