करमाळा (सोलापूर) : तालुक्यातील पोथरे येथील ढेकळेवाडी जिल्हा परिषद प्राथमिक शाळेतील विद्यार्थ्यांना स्पोर्ट ड्रेसचे वाटप करण्यात आले आहे. मुलांनी मोबाईलवरील गेम न खेळता प्रत्यक्षात मैदानावर खेळ खेळावेत या हेतूने व त्यांना खेळाचे महत्त्व समजावे या जाणिवेतून लोकसहभागातून स्पोर्ट् ड्रेस खरेदी करून त्याचे आज (गुरुवारी) वाटप करण्यात आले. यावेळी शाळा व्यवस्थापन समितीचे अध्यक्ष संतोष झिंजाडे, भाऊसाहेब जाधव, भाऊसाहेब साळुंके, लालासाहेब ठोंबरे उपस्थित होते. मुख्याध्यापक नितीन रंदवे व सहशिक्षक चंद्रकांत रोडे यांच्या कल्पकतेतून हा उपक्रम राबविण्यात आला.