करमाळा (सोलापूर) : ‘तू माझ्या भावाला फोन का लावला’, असे म्हणत दोघांनी लोखंडी पाईपने मारहाण केली असल्याचा प्रकार तालुक्यातील देवळाली येथे घडला आहे. याबाबत दोघांविरुद्ध करमाळा पोलिसात गुन्हा दाखल झाला आहे. राहुल भास्कर गायकवाड व प्रशांत उर्फ फंटू अशी गुन्हा दाखल झालेल्या संशयित आरोपींची नावे आहेत. यामध्ये महेश तानाजी गोसावी (वय २१, रा. देवळाली) यांनी फिर्याद दिली आहे. देवळाली स्टँडवर बुधवारी ६ तारखेला रात्री ९ वाजताच्या सुमारास गुन्हा दाखल झालेल्या संशयित आरोपीनी फिर्यादीला शिवीगाळ सुरु केली. माझ्या भावाला फोन का लावला असे म्हणून त्यांनी मारहाण सुरु केली. तुमचा काही तरी गैरसमज आहे, असे म्हटल्यानंतरही त्यांनी मारहाण केली. याप्रकणात दोघांविरुद्ध गुन्हा दाखल झाला आहे.