करमाळा : अहिल्यानगर येथे कृषी उत्पन्न बाजार समिती येथील सभागृहात झालेल्या कार्यक्रमात द युवा ग्रामीण पत्रकार संघाच्या वतीने राजेश पवार यांना ‘समाजभूषण पुरस्कार प्रदान करण्यात आला. पवार हे हिसरे येथील आहेत.
सामाजिक क्षेत्रात उल्लेखनीय काम केल्याबद्दल पवार यांना हा राज्यस्तरीय पुरस्कार दिला आहे. शाल श्रीफळ, सन्मान चिन्ह व सन्मानपत्र असे या पुरस्काराचे स्वरूप होते. पवार हे पत्रकार असून अनेक वर्ष फुले- शाहू- आंबेडकरी चळवळीचे बहुजन समाजासाठी काम करतात. बामसेफ संयोजक बहुजन समाज पार्टी सातारा या पदावर ते काम करत आहेत. यापूर्वी त्यांना ‘द बुद्धिस्ट प्रेरणा ग्रुप महाराष्ट्र’ राज्य यांच्या वतीने सन्मानित करण्यात आले होते.
मुख्य अग्निशामक अधिकारी शंकर पिसाळ व पोलिस निरीक्षक प्रल्हाद गीते यांच्या हस्ते हा पुरस्कार प्रदान करण्यात आला. यावेळी द ग्रामीण युवा पत्रकार संघाचे राष्ट्रीय अध्यक्ष अन्सार शेख, राज्य उपाध्यक्ष प्रा. जीवन मोहिते, प्रांताधिकारी सुधीर पाटील, बहुजन समाज पार्टीचे प्रेम मोरे आदी उपस्थित होते. कार्यक्रमाचे सूत्रसंचालन महेश काळे यांनी केले.
