करमाळा (सोलापूर) : महाराष्ट्र राज्य क्रीडा व युवक सेवा संचालनालय अंतर्गत 19 व 20 ऑक्टोंबर दरम्यान नांदेड येथे घेण्यात आलेल्या शालेय राज्यस्तरीय आर्चरी स्पर्धेत गुरुकुल पब्लिक स्कूलच्या विद्यार्थ्यांनी यश मिळवले आहे. यामध्ये रेहान मुलाणी हा राज्यात तिसरा आला असून त्याचा विभागात दुसरा व जिल्ह्यात पहिला क्रमांक आला आहे. तर जयहिंद जगताप जिल्ह्यात दुसरा आला आहे. त्यांची नाडियाड (गुजरात) येथे होणाऱ्या राष्ट्रीय स्पर्धेसाठी निवड झाली आहे. गुरुकुल पब्लिक स्कूलचे संस्थापक अध्यक्ष नितीन भोगे व सौ. भोगे यांनी या विद्यार्थ्यांचे अभिनंदन केले. मुख्याध्यापक व सर्व शिक्षक यांनी यशस्वी खेळाडूंचे अभिनंदन केले. सर्व खेळाडूंना HOD शिंदे, HOD पवार व क्रीडा प्रशिक्षक अमोल माळी, जामदारे, ए. वाय. आव्हाड, बी. एस. आव्हाड, पवार, शिंदे, घोगरे, जगताप, गिरवले, सातव यांनी मार्गदर्शन केले.
गुरुकुलमधील विद्यार्थ्यांचे यश
