करमाळा (सोलापूर) : करमाळा मांगी रस्त्यावरील कुकडी कॅनलजवळ एका स्विफ्ट कारमध्ये अर्धवट जळालेल्या अवस्थेत एक मृतदेह आढळून आला आहे. येवला येथील ही व्यक्ती असल्याचे सांगितले जात असून श्रावण चव्हाण असे त्याचे नाव आहे. ती व्यक्ती साधारण ३५ वर्षाची आहे. सदर व्यक्ती अर्धवट जळालेल्या अवस्थेत असल्याचे दिसत आहे. या घटनेची माहिती मिळताच उपविभागीय पोलिस अधिकारी अजित पाटील व पोलिस निरीक्षक ज्योतीराम गुंजवटे यांनी घटनास्थळी भेट दिली. संबंधित मृतदेहाचे करमाळा उपजिल्हा रुग्णालय येथे शवविच्छेदन करण्यात आले आहे. याचा पुढील तपास सुरु आहे.
![A partially burnt body was found in a car near Mangi Canal in Kukdi](https://kaysangtaa.com/wp-content/uploads/2023/06/Death.jpg)