करमाळा (सोलापूर) : तालुक्यातील मोरवड येथे मराठा आरक्षणासाठी नेत्यांना गावबंदी करण्याचा निर्णय घेण्यात आला आहे. राज्यामध्ये मराठा आरक्षणाबाबत पुन्हा एकदा मनोज जरांगे यांनी उपोषणाला सुरुवात केली आहे. त्या उपोषणाला पाठिंबा म्हणून मोरवड सकल मराठा समाज बांधव व बहुजन समाजाच्या वतीने जोपर्यंत सरकारकडून मराठा समाजाला आरक्षण जाहीर होत नाही तोपर्यंत राजकीय नेत्यांना गावात प्रवेश बंदी करण्याचा एकमताने ठरले आहे.
