करमाळा (सोलापूर) : गुरुकुल पब्लिक स्कूल येथे आषाढी एकादशीनिमित्त बाल दिंडी काढण्यात आली. या कार्यक्रमांमध्ये नर्सरी ते दहावीचे 1 हजार 175 विद्यार्थ्यांनी सहभाग घेतला होता. यावेळी गुरुकुलचे बाल रिंगण व पांडुरंगाची गाणी सादर करण्यात आली.
त्यामध्ये विठ्ठल कार्तिक खंडागळे, रुक्मिणी सानिका लावड व शहा, संत ज्ञानेश्वर अमरनाथ चिवटे, संत तूकाराम तरेश थोरात, कीर्तनकार अवधूत पवार, तबलावादक अथर्व मोरे, हरिपाठ युद्ध वीर नलवडे, अभंग स्वराली जाधव, मेघराज शिंदे, गवळण समृद्धी राखुंडे, सृष्टी जाधव, संस्कार हजारे व गुरुकुलचे शिक्षक जमदाडे तसेच टाळकरी, झेंडेकरी सेवेकरी, वारकरी, तुळशी घेऊन फुगडी खेळताना मुली व महिला पालक, तसेच बाल वारकरी या सर्वांनी वाखरीच्या रिंगणाप्रमाणे गुरुकुल पब्लिक स्कूलचे रिंगण शाळेमध्ये सादर केले. सूत्रसंचालन भांडवलकर यांनी केले. एचओडी शिंदे, एचओडी पवार, ओव्हाळ, दास व सर्व शिक्षक वृंद यांनी सर्व कार्यक्रमाचे नियोजन केले. आभार साबळे यांनी मानले. भोगे यांनी सर्व पालकांचे मनापासून आभार व्यक्त केले.
