करमाळा : करमाळा नगरपालिकेच्या ठेकेदाराची चौकशी करा या मागणीसाठी २६ जानेवारीला जिल्हाधिकारी कार्यालयसमोर आमरण उपोषण करण्यात येणार आहे, असा इशारा करमाळा अर्बन बँकेचे माजी उपाध्यक्ष फारुक जमादार यांनी दिला आहे. बांधकाम ठेकेदाराला दोन वर्षांपूर्वी वर्कऑर्डर देऊनही रस्त्याचे काम झाले नसून संबंधीत ठेकेदाराची चौकशी करण्याची मागणी त्यांनी निवेदनाद्वारे केली आहे.
![](http://kaysangtaa.com/wp-content/uploads/2024/01/Dhale-1-1-1024x725.jpg)
जमादार म्हणाले, संजय कुंभार ते कत्तलखाना रस्ता डांबरीकरण करणे या कामाची दोन वर्षांपूर्वी वर्कऑर्डर दिली होती. परंतु संबंधित ठेकेदाराने अद्यापपर्यंत काम केलेले नाही. मुख्याधिकारी यांच्याकडे तक्रार करूनही काम झालेले नाही त्यामुळे २६ जानेवारीला प्रजासत्ताक दिनी ध्वजारोहण झाल्यानंतर जिल्हाधिकारी कार्यालयासमोर आमरण उपोषणाला बसणार असल्याचे त्यांनी म्हटले आहे. याबाबत त्यांनी प्रशासनाला पत्र दिले आहे.
![](http://kaysangtaa.com/wp-content/uploads/2024/01/Kemkar-I-Cair-1-1024x738.jpg)