करमाळा (सोलापूर) : जिल्हा परिषदेच्या मुख्यकार्यकारी अधिकारी मनीषा आव्हाळे यांच्या दालनात झालेल्या मोड- तोड प्रकरणाचा करमाळ्यात पंचायत समितीच्या अधिकारी व कर्मचाऱ्यांच्या संघटनेने निषेध केला आहे. याबाबत त्यांनी तहसीलदारांना निवेदन दिले आहे. महाराष्ट्र राज्य सहाय्यक कार्यक्रम अधिकारी (मग्रारोहयो) संघटना शाखा, सोलापूर, महाराष्ट्र विकास सेवा राजपत्रित अधिकारी संघटना यांनी ‘काम बंद’ आंदोलन करत या प्रकाराचा निषेध केला आहे. जिल्हा परिषद उपविभागचे अधिकारी व कर्मचारी, पंचायत समितीचे अधिकारी व कर्मचारी यांनी एकत्र येऊन करमाळ्यात या आंदोलनाला पाठींबा देत तहसीलदारांना निवेदन दिले आहे.
![Protest in Karmala over the incident that took place in the hall of Zilla Parishad Chief Executive Officer Avhale](https://kaysangtaa.com/wp-content/uploads/2023/09/Karmala-Halla.jpg)