करमाळा (सोलापूर) : पालकमंत्री चंद्रकांत पाटील हे सोमवारी (ता. 4) सोलापूर दौऱ्यावर आहेत. त्यामुळे करमाळा पंचायत समिती येथे उजनी धरणासाठी पुनर्वसित झालेल्या गावातील सुविधांबाबत होणारी बैठक रद्द करण्यात आली आहे. अतिरिक्त जिल्हाधिकारी (पुनर्वसन) तुषार ठोंबरे व जिल्हा पुनर्वसन अधिकारी टोणपे यांच्यासह प्रांताधिकारी प्रियांका आंबेकर व प्रभारी तहसीलदार विजयकुमार जाधव यांच्या उपस्थितीत अधिकाऱ्यांसमवेत ही बैठक होणार होती. आमदार संजयमामा शिंदे यांच्या सूचनेही बैठक होणार होती. मात्र पालकमंत्री पाटील यांच्या दौऱ्यामुळे व जिल्हाधिकारी पदाचा पदभार ठोंबरे यांच्याकडे असल्याने रद्द करण्यात आली आहे, अशी माहिती टोणपे यांनी दिली आहे.