करमाळा : करमाळा गट पातळीवरील औद्योगिक बहुउद्देशीय ग्रामीण सहकारी संस्थेची पंचवार्षिक निवडणुक बिनविरोध झाली आहे. आज (गुरुवारी) सहाय्यक निंबधक सहकारी संस्थेच्या कार्यालयात निवडणुक निर्णय अधिकारी श्री. माने यांच्या अध्यक्षतेखाली अध्यक्षपदाची निवड झाली. यावेळी संस्थेचे संचालक विजय सुपेकर यांचा एकमेव अर्ज आल्याने निवडणुक निर्णय अधिकारी माने यांनी त्यांची बिनविरोध निवड केली तर उपाध्यक्षपदी हनुमंत अवघडे यांचाही एकमेव अर्ज आल्याने त्यांचीही बिनविरोध निवड झाली.
आज सकाळी ११ वाजता सहाय्यक निंबधक सहकारी संस्थेच्या कार्यालयात निवडणुक बिनविरोध झाली. यावेळी संस्थेचे संचालक राजेंद्र कुंभार, लक्ष्मण परदेशी, रमेश चांदणे, भैरवनाथ अडसुळ, दादा पालवे, सुधीर चव्हाण, शंकुतला जगताप, नंदा जगताप तसेच संस्थेचे सचिव अल्ताफ शेख आदी जण उपस्थित होते.
