करमाळा (सोलापूर) : करमाळा तालुक्यात भाजपचे धैर्यशील मोहिते पाटील यांचा आज (गुरुवारी) दौरा झाला. यावेळी त्यांनी शेतकऱ्यांशी संवाद साधून पाऊस लांबल्याने शेतकऱ्यांना मदत मिळावी यासाठी पाठपुरावा केला जाणार असल्याचे सांगितले आहे. ९: ३० वाजता त्यांनी राजुरी येथून हा दौरा सुरु केला. त्यानंतर सावडी, गोरेवाडी, कोर्टी, विहाळ, रावगाव, वंजारवाडी व लिंबेवाडी येथे भेटी देऊन शेतकऱ्यांशी संवाद साधला. यावेळी त्यांनी पंतप्रधान नरेंद्र मोदी यांच्या कामाबद्दलही शेतकऱ्यांना माहिती दिली. दरम्यान पाऊस लांबल्याने मदत मिळणे आवश्यक असल्याची मागणी शेतकऱ्यांनी मोहिते पाटील यांच्याकडे केली.
यावेळी जिल्हा परिषदेचे माजी सदस्य अजित तळेकर, भाजपचे करमाळा तालुका सरचिटणीस अमरजित साळुंखे, राजुरीचे अबासाहेब टापरे हे उपस्थित होते. विहाळ येथे झालेल्या दौऱ्यावेळी संजय चोपडे, मोहन मारकड, प्रदीप हाके, किसन काळे, दशरथ काळे, अशोक चोपडे, शिवाजी जाधव आदी उपस्थित होते.