करमाळा (सोलापूर) : येथील माॅं आयेशा अरबी मदरसा व मदरसा ट्रस्ट करमाळाच्या वतीने अरबी मदरश्यासमोर करमाळा नगरपालिकेच्या बागमाळी किरण दुरगुडे यांचा मुख्याधिकारी सचिन तपसे यांच्या हस्ते सन्मानपत्र व पुष्पहार देऊन सत्कार करण्यात आला. करमाळा अर्बन बँकेचे माजी उपाध्यक्ष फारुक जमादार, यशवंतराव चव्हाण महाविद्यालयाचे प्रा. लक्ष्मण राख, माजी नगरसेवक प्रवीण जाधव, खादी ग्रामोद्योगचे अध्यक्ष विजय सुपेकर, अरबी मदरश्याचे विश्वस्त साजीद बेग सामाजिक कार्यकर्ते जहाँगीर बेग, आलीम खान, जावेद शेख आदी उपस्थित होते.
मुख्याधिकारी तपसे म्हणाले, किरण दुरगुडे हे करमाळा नगरपालिकेचे बागमाळी असुन तो वृक्ष लागवडबाबतीत करमाळा शहरातील नागरिकांना वृक्ष लागवडीचे महत्त्व पटवून देऊन त्यांना झाडे लावण्यास प्रवृत्त करत आहेत. नगरपालिकेचे बांधकाम अभियंता अश्विनी जाधव, फलके, अतिक बेग, शकील बागवान, नासीर कबीर, फिरोज बेग आदी उपस्थित होते.