करमाळा (सोलापूर) : करमाळा नगरपालिकेला महाराष्ट्र सुवर्ण जयंती नगरोत्थान अभियानअंतर्गत आमदार संजयमामा शिंदे यांच्या मार्गदर्शनाखाली करमाळा नगरपालिकेला प्रभाग क्रमांक एक व दोन मधील विकास कामांसाठी 1 कोटी 12 लाख 99 हजार 354 रुपये मंजूर झाले आहेत, अशी माहिती माजी नगरसेवक संजय सावंत यांनी प्रसिद्धीपत्रकाद्वारे दिली आहे. यामध्ये सावंत यांनी म्हटले आहे की, प्रभाग क्रमांक एक व दोन मधील विकास काम गणेश बोरा घर ते पिंटू बेग घर रस्ता डांबरीकरण करणे ६ लाख १७ हजार ७५० रुपये, गणेश बोरा घर ते पिंटू बेग घर गटार बांधकाम करणे ३१ लाख ८९ हजार २ रूपये, मोहल्ला गल्ली येथील विविध परिसरात गटार बांधकाम करणे ५० लाख २८ हजार २६८ रुपये, सावंत गल्ली येथील सार्वजनिक शौचालय परिसर सुशोभित करणे २४ लाख ६४ हजार ३४४ रुपये मंजूर झाले आहेत, असे त्यांनी म्हटले आहे.